تباشير الحيا

حظ عيني لو تشوفك كل يوم
حظها وانته لناظرها الضيا
نام فيها نام وانعس لا تقوم
بالسعاده يا تباشير الحيا
إنته اللي لك أنا عمري أسوم
وارخص الغالي بلا زيف وريا
والبقايا مالهم عندي لزوم
قلبك وقلبي حبايب أوفيا
غيبتك وجدان واحزان وهموم
تتعب افكاري تسبب لي عيا
ودي بشوفتك مع طيب العلوم
عن عيوني لا يبعدك النيا
صدق انا مشتاق لكني كتوم
أجبر عزومي ويمنعني الحيا
منزلي فوق الكواكب والنجوم
وافي وسمعي على صوتك حيا
وش على عيني إذا شافتك دوم
دامك انته في نواظرها الضيا