لاحت تباشير الفرح والمسرات
ابعودة زعيمٍ ننتضرها لنا شهور
وغنت ابزين الحانها الراعبيات
والارض نبتت من غلاها له ازهور
وفي اقلوبنا ننحت جميل العبارات
ما تنمحي منها الى نفخت الصور
واللي بوسط القلب ينسخ بلوحات
تعبير من شعبٍ بشوفته مسرور
شوفت زعيم العرب رمز البطولات
وعودته سالم للوطن تفرح اصدور
يا مرحبا عد الغصون الضليلات
وعداد ما غرد على اغصانها اطيور
وعداد ما ترعى الديار العذيات
سفن الصحاري جابره كل مكسور
بالقايد العايد لنا بالسلامات
يعيش ابو متعب عسى عمره ادهور
خادم بيوت الله وحافظ لامانات
دستوره القرأن والشرع دستور
قايد مسيرتنا زبون الونيات
مزبان من يشكي من الضيم والجور
عادل وحكمه ما دخل فيه ميلات
لاجاه مضلومٍ رجع منه منصور
في حكمه الزاهر رقينا الطويلات
وحقق امنا والعسر صار ميسور
عينه على شعبه سهيره ولا تبات
والشعب ما لحقه مهونه ولا اقصور
خيره شمل شعبه جزيل العطيات
بالطيب مذكورٍ وبالخير مذكور
بحر الصخا مغني اليدين الفقيرات
ينفق ولا يذخر على الشعب مذخور
كم من ضعيفٍ كافلته الضمانات
وكم من فقيرٍ سكنه داخل الدور
ابو اليتاما اللي يشيل الثقيلات
من شعبه, وخيره على الشعب مخبور
يحل صعبات الامور العسيرات
حلالها فالضيق لاعسم الشور
له الولا منا حكيم السياسات
عهدٍ علينا مانخونه ولا انبور
وبرواحنا نفديه في كل الاوقات
ولامن دعانا انجيه طابور طابور
يبشر بشعب(ن) ما يهاب المنيات
من دون حد المملكه درعٍ اوسور
ولا همنا اهل الزعزعه والخيانات
بالسيف عرق الغدر والشر مبتور
الحكم لال اسعود ما به مراوات
ورثٍ لهم ما جاء بتصويت جمهور
اهل الزعامه من اسنينٍ قديمات
يوم القبايل بين ناحر ومنحور
ابنا الامام اللي فعوله عضيمات
يشهد بها التاريخ من ما ضي اعصور
عبد العزيز اللي حكم بالرهيفات
فوق المهار ومحزمه كل منعور
ومن بعد حكمه زال عصر الخلافات
وزال الضلام وحل في ابلادن النور
وحد اشعوب(ن) كانت امن اول اشتات
وساد الامن برجاء بلدنا على الفور
وصرنا يدٍ وحده نعيش المساوات
ابدار السلام وبيرق العز منشور
الإثنين مارس 28, 2011 8:34 am