عسى الحيا يمطر على دار نوره
حتى نعيد لدارهم بالسلامي
يسقي وطن غرو ٍ تخالف نهوره
شوفه عن المشتاق يجلا الظلامي
هي نوره اللي غيرها ماش نوره
اسم ٍ على الشينات ظلم وحرامي
عاقل وكاسيها من الملح صوره
بنت الربوع الطيبين الحشامي
ياليت يابنت القروم النموره
ليتك تشوفين السلف والجهامي
لاحل في واد ٍ تعاقب زهوره
على دروب مبكرات الوسامي
وكلّ ٍ من هل البل قـرّت سروره
مرباعها يبر الكبود الضوامي
مع الاد روق مصابرين الضروره
ضد الضديد وجمعهم مايضامي
في دار من يسقي المعادي مروره
ميمون مروين الرصاص الحيامي
ديرة خوالي من قديم مخبوره
حامينها بالسيف يوم الزعامي
يوم النـّهب عنها اليدين محصوره
ماكفـّت الشعبه ليا أدنى سنامي
وفعولهم يوم الفعول مخبوره
وكل حدداهم يشهدون بكلامي
ويشهد قليب ٍ ماتذيّر نشوره
عد ٍّ لهم يم الهضاب الزوامي
الإثنين مارس 28, 2011 8:47 am