أشتاق له لا غاب

أحدٍ يجي ويروح ماعنه منشود
والغالي لامن غاب تفقده عيني
أشتاق له لا غاب وأحن له زود
وأعاف دنيايه واجر الونيني
يافرحة الخاطر ترى القلب ملهود
يمكن تروح الروح ماتلتقيني
ولا أسامحك لو كنت بالقبر ملحود
حتى يقول الرب هاتو المديني
اللي طعن عبدي بلا حق وشهود
خلوه ياخذ ماسلف منه ديني
هذا قتيل فراق وهموم وجحود
مخلص بوده وانطعن فـ/الوتيني
قاتل وفاء ماهوب نقاض لعهود
وافي لمعشوقه ولا منه شيني
قلبك ولوجاء فيه مثلي بلا زود
والله لـ/ تنسى كل حلوٍ وزيني
اسهر مع الحان الحزن وبريت العود
عله يجيبك لي صوت وحنيني
وترحم فؤادي من عنا الصد وتعود
وفرح يامنيت خاطري ياضنيني