شموخ حبي

ماحـب نـوع الفشخـره والدعـايـات
والـي علـى نفـس النمـط لا يجينـي
ودي يجـي بينـه وبينـي مـسـارات
ويبـطـي قـسـم بالله لا يحتريـنـي
الثـوب لـه (خبنه)وعـدّة مقـاسـات
وانـا مقـاسـي غـيـر يامبتليـنـي
طيبه وعـزت نفـس فينـي ونخـوات
وفزعـت يسـاري ماتسـاوي يمينـي
واحب كـل النـاس (باالـذات باالـذات)
مـن قـال عنهـم خالقي((والديـنـي)
واما الشعر لي فيه (صولـه وجـولات)
((من بحر حبـك ليـن بحرالهجينـي))
وبينـي وبيـن اللـي يلينـي مسافـات
وياطـول درب الــي وراي ويليـنـي
شاعـر تراقصلـي طيـور وفراشـات
ونجم السما يلعب علـى حـرف سينـي
ساحر ومتفلسف ولـي سبـع بصمـات
((بـس الغـرور الله بينـه وبيـنـي))
راوي واجيـد اسلـوب فـن الروايـات
تسمـع جماهيـري تـردد ((ياعينـي)
اغوص في البحر الحمـر والمحيطـات
وجو السما هـو بـس مـن يحتوينـي
تميـزي فـي رسـم نهـج الخيـالاات
كـن الشعـر مخلـوق منـي وفينـي
انثـر حـروف الشعـر واروح بسكـات
واجمع حروفـه بيـن قبضـت يدينـي
تصريح شاعـر لـه مسـار وحكايـات
((ماهمني شبـل الاسـد والحصينـي))
والا انت يللي لـك بروحـي مسـارات
مابيـن شريانـي ومابـيـن عيـنـي
خذيتني بسلـوب(( بسمـه وغمـزات))
وتوهتني مـن ((قُبلتـك فـي جبينـي))
حسيـت فـي حبـك ملـذه وسكـرات
وحسيـت بانـك بـس مـن يهتوينـي
وسويت لك في وسـط جوفـي محـلات
ولا قلت لـك فـي يـوم لا تجرحينـي
لا والله الا حـطـي القـلـب كـيـات
وان كـان ودك ((تحرقيـن احرقينـي))
ثـم جمعينـي وسـط قلبـك حبيـبـات
ثـم انثرينـي فـي الهـوى واجمعينـي
ثـم ارفعينـي ليـن حـد المـجـرات
وفي ضرف لمحة عيـن لـك رجعينـي
وفي شعرك الدافي ((ابو خمس خصلات))
مابيـن خصـلات الشعـر ((دثرينـي))
ومابيـن نبـع (الثغـر خلينـي اابـات)
وبين البـرد والجمـر(( لا تحرمينـي))
سويبـي اللـي يعجبـك كـل لـوقـات
مانـي بقايلـك خــلاص اتركيـنـي
حـرام حُـرم الـدم ماقـول أاهــات
مـادام انـك صـدق بتمـوت فيـنـي
معشوقتي لـو طالعـت فـي المرايـات
كـن المرايـه سولفـت ((كسريـنـي)
لو تجمعـون اهـل الدلـع والعبايـات
((راحو وطي ياشيب راسـي وعينـي))
ماهـو بدالـك كـل لحضـه وحـزات
سويـه فينـي فـي بقـايـاا سنيـنـي
بس افهمي ان لي مـع النـاس ميـزات
وميـزه وحيـده ((وقفـي وافهمينـي))
من قال لي (قُدبـاي) باقـول (بايـات)
مانـي بقايـل مثـل غيري(اخذيـنـي)