ياجرح قلبي

ياونتي من بعد الديار ويلاه
ياجرح قلبي ما لقاله طبيب
قلبي تقطع من معاليقه أقصاه
واظن انا جرحي ان عوقه صعيب
ادعي من الوالي بشوفه ولا ماه
من يقصد الله بالرجا مايخيب
من يقصد بحبل الرجا يمسك عراه
اشد واقوى من قوي الحديد
اسهر طوال الليل من حر فرقاه
واحسب نجوم الصبح لاجت تغيب
يا حال ياللي دايم الهم يدعاه
عقب الخضار اشوف زرعه حصيد
حبه على قلبي قصور مبناه
محبة الوالد لشوف الوليد
من لامني في حبها عاف دنياه
جعله ردي الحظ ماله نصيب
جعله يشكي حر المكاسير في عضاه
ما له قريب ولا طبيب يفيد
ومن لامني جعل الليالي تولاه
تجزي حياته لا نهار الوعيد
يصادف الخيبه بكفه ويمناه
تكسر عصاته من ردي الجريد
أبيات شعر من ضميري مملاه
من ظامر تصلاه نار الوقيد
والف الصلاة لخالق نتبع رضاه
رب على كل البرايا رقيب