مثلي محارب ودايم الدوم مذموم
زي اي ناجح دائماًهو محارب
عادي طبيعي عاذلي مني مسموم
ويسبني حتى لنجاحي يقارب
انتم دليل ابداعي زيدوني اليوم
افرح وعذولي للمرارات شارب
تارك عشاني الشغل ويسبني دوم
اشكال اوادم بس والله عقارب
جربت بالدنيا سواليف وعلوم
والكل في دنياه مر بتجارب
اللي حياته كلها مابها خصوم
فاشل ولا هو للمقاييس ضارب
عد العواذل وكل حاسد لك يلوم
واحسب نجاحك واحمد الله يارب
واكبر دليل رسولنا سيد القوم
حتى من اقرابه ياعالم تحارب
وصحيح لي عشاق واحباب وقروم
وصحيح ماكره شخص والكل اقارب
واضحك لو ان القلب بالهم مزحوم
واداري احبابي ولو وضعي خارب
ولكن بها اشخاص ياعالم رخوم
حلقي يبونه وعنهم الكل هارب
في ذوق اعاملهم وعلى طبعي ملزوم
اخلاقي ماتسمح وبعض التجارب
مبسوط منهو نايم اليوم مظلوم
ودقات قلبه ماتزيد التضارب
الإثنين مارس 28, 2011 8:03 am